ایک سال تک خراب نہ ہونیوالا سیب امریکہ میں دستیاب

0

واشنگٹن(اے ون نیوز) سیب کی ایک نئی قسم جسے تیار کرنے میں دو دہائی کا عرصہ لگا ہے جس کو ممکنہ طور پر ایک سال تک فریج میں بغیر خراب ہوئے رکھا جا سکتا ہے اور گزشتہ روز امریکہ میں اس کی فروخت شروع ہو گئی ہے۔

میڈیا رپورٹ کے مطابق سیب کی اس نئی قسم کو ‘کاسمک کرسپ’ کا نام دیا گیا ہے اور یہ ہنی کرسپ اور انٹرپرائز سیب کی پیوند کاری سے وجود میں آیا ہے۔ اسے پہلی بار 1997 میں واشنگٹن سٹیٹ یونیورسٹی میں اگایا گیا تھا۔ اس ٹھوس، خستہ اور رس دار سیب کی لانچ میں ایک کروڑ امریکی ڈالر خرچ آیا ہے۔

واشنگٹن کے کسانوں کو آنے والی دہائی میں اس کی کاشت کی اجازت دی جائے گی۔ واشنگٹن سٹیٹ یونیورسٹی میں اس سیب کی افزائش اور نشوونما کی شریک سربراہ کیٹ ایوانز نے بتایا کہ یہ زیادہ خستہ اور نسبتاً سخت سیب ہے، اس میں ترش و شریں کا اچھا توازن ہے اور یہ بہت ہی رسیلا ہے۔ اس کے گودے کا رنگ تبدیل ہونے میں کافی وقت لگتا ہے اور اگر اسے ریفریجریٹر میں رکھا جائے تو دس بارہ ماہ تک کھانے میں اس کی اچھی کوالٹی برقرار رہتی ہے۔

کاسمک کرسپ کے ایک کروڑ 20 لاکھ درخت لگائے گئے ہیں اور سخت قواعد و ضوابط کی وجہ سے کسانوں کو اسے ملک کے دوسرے حصوں میں اگانے کی اجازت نہیں دی گئی۔

LEAVE A REPLY

Please enter your comment!
Please enter your name here