سرحدی کشیدگی کے دوران بھارتی فوجیوں کی ہلاکت،چین کا ردعمل بھی آگیا

0

بیجنگ(اے ون نیوز)جنگی جنون میں مبتلا بھارت کی ہمسائیہ ملک چین کے ساتھ بھی کشیدگی میں اضافہ ہوگیااور لائن آف ایکچوئل کنٹرول پر جنگ کا خطرہ منڈلانے لگا ہے۔

بھارتی فوج کے مطابق سرحد پر کشیدگی کے دوران اس کے کرنل سمیت تین فوجی اہلکار ہلاک ہوگئے ہیں ، اس صورتحال پر چین کا کہنا ہے کہ دونوں ملکوں میں کشیدگی کی وجہ بھارت ہے۔ فرانسیسی خبررساں ادارے اے ایف پی کے مطابق چینی وزارت خارجہ کے ترجمان ژاو لی جیانگ نے کہا ہے کہ بھارتی فوجیوں نے پیر کو دو بار ایل اے سی کی خلاف ورزی کرتے ہوئے سرحد پار داخل ہوئے اور اس دوران انہوں نے چینی اہلکاروں پر حملہ کیاجس کے نتیجے میں فریقین کا نقصان ہوا۔

برطانوی اخبار ڈیلی سٹار نے چین کے سرکاری میڈیا کے حوالے سے بتایا ہے کہ بھارت چین جھڑپ کے دوران پانچ فوجی ہلاک جبکہ گیارہ زخمی ہوئے۔الجزیرہ کی رپورٹ کے مطابق مئی سے اب تک دونوں ممالک ایل اے سی پر لداخ ریجن میں ہزاروں فوجی تعینات اور بھاری اسلحہ نصب کرچکے ہیں۔

گزشتہ ہفتے بھی چین نے دنیا پر واضح کیا تھا کہ بھارت سرحدی علاقے میں مسلسل کشیدگی پھیلا رہاہے جبکہ گزشتہ دنوں میں بھی دونوں ممالک کے فوجیوں کے درمیان کشیدگی کی خبریں سامنے آتی رہی ہیں تاہم 75سال میں پہلی بار اس سرحد پر ہوئی کشیدگی میں فوجی مارے گئے ہیں۔

LEAVE A REPLY

Please enter your comment!
Please enter your name here