شادی کے 5 منٹ بعد ہی نوبیاہتا جوڑے کی موت

0
200

واشنگتن(اے ون نیوز)امریکا کی ریاست ٹیکساس میں شادی کے چند منٹ بعد ہی نوبیاہتا جوڑ ا روڈ حادثے میں ہلاک ہوگیا۔ڈیلی نیوز میں شائع رپورٹ کے مطابق ٹیکساس کی ویڈور کاؤنٹی میں 19 سالہ ہرلیے جو مارگن اور 20 سالہ رائیونن مارگن جسٹس آف پیس کے عدالتی کمرے میں شادی کے بندھن میں بننے کے بعد اپنی کار میں مہمانوں کو ری سیپشن دینے کے لیے گھر واپس جارہے تھے۔

جب نوبیاہتا جوڑے کی کار دیگر گاڑیوں کو بائی پاس کرتے ہوئے تیزی سے ہائی وے روڈ پر آنے لگی تو پک اپ ٹرک کی زد میں کار آگئی۔پولیس کے مطابق ہریلے جومارگن کار چلا رہے تھے جبکہ اپ ٹرک میں ٹریکٹر لوڈ تھا۔

عینی شاہدین نے بتایا کہ ’اپ ٹرک کی ٹکر سے کار نے کئی کلا بازیاں کھائیں اور نوبیاہتا جوڑا موقع پر ہی دم توڑ گیا۔واقعے سے متعلق دولہے کی والدہ نے بتایا کہ ان کے بیٹے کی شادی کو محض 5 منٹ ہی ہوئے تھے اور جب کار کو حادثہ ہوا تب ان کی کار بیٹے کی کار کے پیچھے تھی۔

انہوں نے بتایا کہ اپنے بیٹے کی کار کا حادثہ اپنی آنکھوں سے دیکھا، میں نے اپنے بیٹے کو مرتے دیکھا‘۔ان کا کہنا تھا کہ ’میں نے اپنے بیٹے اور بہو کو کار سے نکالنے کی کوشش کی تھی‘۔

دولہے کی بہن نے کریسٹیانا نے بتایا کہ ’جوڑے نے 20 دسمبر کو ایک بڑی دعوت کا منصوبہ بنایا تھا جس میں دوستوں اور رشتے داروں کو مدعو کیا گیا تھا‘۔انہوں نے بتایا کہ یہ واقعہ ان کی زندگی کا دردناک عذاب بن گیا ہے، جسے کبھی بھلا نہیں سکوں گی۔

خیال رہے کہ گزشتہ برس امریکی ریاست نیویارک میں لیموزین گاڑی کے بدترین حادثے میں 20 افراد ہلاک ہوگئے تھے۔

LEAVE A REPLY

Please enter your comment!
Please enter your name here