وزیراعظم عمران خان کاعوام کو بڑا ریلیف ، پٹرولیم مصنوعات کی قیمتوں میں اضافے کی تجویزمسترد کر دی

0

اسلام آباد(اے ون نیوز) وزیراعظم عمران خان نے عوام کو بڑا ریلیف دیتے ہوئے پٹرولیم مصنوعات کی قیمتوں میں اضافے کی تجویز مسترد کر دی۔

اوگرا کی جانب سے پٹرول کی قیمت میں14.07روپے، ہائی سپیڈ ڈیزل کی قیمت میں 13.61 روپےفی لٹر اضافے کی تجویز تھی۔ مٹی کے تیل کی قیمت میں 10.79روپے کی سفارش کی گئی تھی۔ اوگرا نے لائٹ ڈیزل کی قیمت میں 7.43 روپے اضافہ تجویز کیا گیا تھا۔

یہ بھی پڑھیں
وزیراعظم کی جانب سے بعض امیدواروں سے سینیٹ ٹکٹ واپس لینے کا امکان

عوامی فلاح و بہبود کو مد نظر رکھتے ہوئےوزیر اعظم نے پٹرولیم مصنوعات میں اضافے کی تجویز منظور نہیں کی۔وزیراعظم عمران خان کا کہنا ہے کہ حکومت عوام کو ریلیف کی فراہمی کے لئے ہر حد تک جائے گی۔28فروری تک پیٹرول کی قیمت111.93پیسے فی لیٹر، ڈیزل کی قیمت116.07روپے فی لیٹر، لایٹ ڈیزل آئل کی قیمت79.23روپے فی لیٹر اور مٹی کے تیل کی قیمت80روپے19پیسے فی لیٹر برقرار رہے گی

اس سے قبل حکومت ڈھائی ماہ میں پیٹرولیم مصنوعات مسلسل 5 بار مہنگا کرچکی ہے۔ یکم دسمبر سے اب تک پیٹرولیم مصنوعات 16 روپے 37 پیسے تک مہنگی کی جاچکی ہیں۔ اسی عرصے میں پیٹرول 11 روپے 21 پیسے فی لٹر پہلے مہنگا کیا گیا۔یکم دسمبر سے اب تک ہائی اسپیڈ ڈیزل 14 روپے 64 پیسے فی لٹر مہنگا کیا جا چکا ہے۔ اسی عرصے میں مٹی کا تیل 14 روپے 90 پیسے فی لٹر مہنگا کیا گیا۔ ڈھائی ماہ میں لائٹ ڈیزل 16 روپے 37 پیسے فی لٹر مہنگا کیا جاچکا ہے۔

LEAVE A REPLY

Please enter your comment!
Please enter your name here