ویزا کے باوجود 28 پاکستانیوں کو دبئی میں داخلے سے روک دیا گیا

1

لاہور(اے ون نیوز) متحدہ عرب امارات امیگریشن نے لاہور سے دبئی جانے والے 28 مسافروں کو سفری دستاویزات مکمل ہونے کے باوجود انٹری دینے سے انکار کر دیا، 10 گھنٹے ائر پورٹ پر بٹھائے رکھنے کے باوجود واپس پاکستان ڈیپورٹ کردیا، مسافر لاہور پہنچنے پر دبئی حکومت کے خلاف سراپا احتجا ج بن گئے۔

اطلاعات کے مطابق لاہور سے دبئی جانے والے 28 مسافروں کو دبئی انتظامیہ نے امیگریشن دینے سے انکار کر دیا، نجی ایئر کی پرواز سے ویزا سمیت دیگر تما م دستاویزات مکمل ہونے کے باوجود مسافر وں کو امیگریشن کی سہولت نہیں دی گئی اور گزشتہ روز نجی ائر کی پرواز سے 28 مسافروں کو ڈی پورٹ کر دیا گیا۔

ڈی پورٹ ہونے سے مسافروں کے لاکھو ں روپے کے ٹکٹس اور ویزے کی فیس بھی ضائع ہوگئی۔ 28 مسافر لاہور سمیت پنجاب کے مختلف علاقوں سے تعلق رکھتے ہیں مسافر لاہور پہنچنے پر عرب امارا ت کی حکومت کے خلاف سرا پا احتجاج بن گئے۔پاکستان سے جانے والے 28 مسافروں کے پاس عرب امارات کے وزٹ بزنس ویزے تھے مسافروں کا لاکھوں روپے کا نقصان اد کرنے کی بجائے بے دخل کر دیا گیا۔

1 COMMENT

LEAVE A REPLY

Please enter your comment!
Please enter your name here