کبڈی ورلڈ کپ میں کینیڈا، ایران اور انگلینڈ کی فتح

0

فیصل آباد(اے ون نیوز)صوبہ پنجاب کے دارالحکومت لاہور میں کبڈی ورلڈ کپ کے سنسنی خیز مقابلے جاری ہیں اور ایونٹ کے چوتھے دن کینیڈا، ایران اور انگلینڈ نے اپنے اپنے میچوں میں فتح حاصل کر لی۔

بدھ کو فیصل آباد کے اقبال اسٹیڈیم میں کھیلے گئے میچ میں کینیڈا نے آزربائیجان کو دلچسپ مقابلے کے بعد 31-40 سے زیر کیا۔

دن کے بقیہ دونوں میچز یکطرفہ ثابت ہوئے اور ایران نے جرمنی کو 23-55 اور انگلینڈ نے سیرالیون کو 26-41 سے مات دے کر قیمتی پوائنٹس حاصل کیے۔

پہلے میچ میں کینیڈا کے نوین کو بہترین رائیڈر قرار دیا گیا جبکہ بہترین اسٹاپر کینیڈا کے روی کمار قرار پائے۔ایران کے میچ میں بہترین رائیڈر کا ایوارڈ میثل محمدی اور بہترین اسٹاپر کپتان علی سفاری قرار پائے۔

آج فیصل آباد میں ایران کا سامنا بھارت، جرمنی کا سیران لیون سے ہو گا جبکہ دن کے آخری میچ میں میزبان پاکستان اور آسٹریلیا کی ٹیمیں مدمقابل ہوں گی۔

LEAVE A REPLY

Please enter your comment!
Please enter your name here