ملتان میں‌ دہشتگردی کا منصوبہ ناکام، بارودی مواد برآمد، 3 ملزمان گرفتار

0
61

ملتان(اے ون نیوز) ملتان میں سی ٹی ڈی نے بڑی کارروائی کرتے ہوئے 3 دہشتگرد گرفتار کر لئے جن کے قبضے سے بارودی مواد اور چندہ وصول کرنے کی رسیدیں برآمد کر لی گئیں۔

ملتان میں سی ٹی ڈی نے ایکشن کرتے ہوئے دہشت گردی کا منصوبہ ناکام بنا دیا۔ حکام کے مطابق دہشت گرد سیکیورٹی اداروں کے افسران اور حساس مقامات کو نشانہ بنانا چاہتے تھے تاہم سی ٹی ڈی نے اطلاع ملنے پر بروقت کارروائی کی اور تباہی پھیلانے کی منصوبہ بندی کرتے دہشت گردوں کو گرفتار کر لیا اور ان کے قبضے سے واردات کے لئے استعمال کئے جانے والے بارودی مواد کے علاوہ سہولت کاروں کی جانب سے مہیا کئے گئے چندے کی رسیدیں بھی برآمد کر لیں۔ یہ رسیدیں دہشتگردی کی کارروائیوں میں مالی امداد دینے والوں کے خلاف ایکشن میں استعمال کی جائیں گی۔

سی ٹی ڈی کے مطابق تخریب کاروں کو کھیڑہ چوک ملتان سے گرفتار کیا گیا اور تفتیش کیلئے نامعلوم مقام پر منتقل کر دیا گیا ہے، دہشتگردوں کے بارے میں تفصیلات فی الحال مہیا نہیں کی گئیں۔

LEAVE A REPLY

Please enter your comment!
Please enter your name here