ہیکرز سے بچنے کیلئے کس طرح کا پاس ورڈ رکھنا چاہیے اور کونسا نہیں؟ سیکیورٹی ماہرین نے خبردار کردیا

0

نیویارک(اے ون نیوز) کچھ لوگ اپنے پاس ورڈ انتہائی عقلمندی کے ساتھ منتخب کرتے ہیں تاہم آج بھی کچھ لوگ ایسے ہیں جو ایسے پاس ورڈز کو ترجیح دیتے ہیں جنہیں یاد رکھنا آسان ہو۔ یہی وہ لوگ ہیں جو آسانی سے ہیکرز کا شکار ہو جاتے ہیں۔ اب سائبرسکیورٹی ماہرین نے کچھ ایسے پاس ورڈز بتا دیئے ہیں جو کبھی بھی نہیں رکھنے چاہئیں۔ ڈیلی سٹار کے مطابق ان پاس ورڈز میں 696969سے لے کر strongpasswordتک جیسے پاس ورڈز شامل ہیں۔

ماہرین کا کہنا ہے کہ آج بھی کچھ لوگ اپنے نام ہی کو پاس ورڈ بنا لیتے ہیں اور سمجھتے ہیں کہ ہیکرز کو اس کا علم نہیں ہو گا۔ حالانکہ لوگوں کے نام پر مبنی پاس ورڈز کو ہیک کرنا سب سے آسان کام ہوتا ہے۔ اس کے علاوہ 12345اور دیگر ایسے عام پاس ورڈز اکاﺅنٹس کی سکیورٹی کے لیے انتہائی خطرہ ہوتے ہیں۔لوگوں کو پاس ورڈز میں الفاظ اور اعداد ملا کر استعمال کرنے چاہئیں اور الفاظ میں چھوٹے اور بڑے دونوں طرح کے حروف شامل ہونے چاہئیں۔ اس کے ساتھ ساتھ پاس ورڈ کی لمبائی بھی مناسب حد تک طویل ہونی چاہیے۔ ایسے پاس ورڈز کو ہیک کرنا بہت مشکل ہوتا ہے۔

LEAVE A REPLY

Please enter your comment!
Please enter your name here