شمالی وزیرستان ،دہشت گردوں کی فائرنگ سے پاک فوج کا جوان شہید

0

شمالی وزیر ستان(اے ون نیوز)شمالی وزیرستان ، ضلع گھر یوم میں دہشت گردوں کی فائرنگ سے ایک جوان شہید ہوگیا۔

پاک فوج کے شعبہ تعلقات عامہ ( آئی ایس پی آر) کے مطابق شمالی وزیرستان کے ضلع گھر یوم میں دہشت گردوں نے ایک فوجی چوکی پر فائرنگ کردی، جس کا پاک فوج کے جوانوں نے بھرپور انداز میں جواب دیا۔

آئی ایس پی آر کے مطابق فائرنگ کے تبادلے کے دوران نائیک غلام مصطفیٰ نے جام شہادت نوش کیا، شہید کی عمر 37 سال تھی اور وہ مظفر آباد کے رہائشی تھے۔ دہشت گردوں کے خلاف علاقے میں سرچ آپریشن جاری ہے۔

LEAVE A REPLY

Please enter your comment!
Please enter your name here