وزیراعلیٰ چوہدری پرویز الٰہی نے گزشتہ رات اعتماد کا ووٹ حاصل کر لیا ، ان پر 186 اراکین اسمبلی نے اعتماد کا اظہار کیا تاہم غیر حاضر رہنے والے 5 اراکین اسمبلی کے خلاف کارروائی کا فیصلہ کر لیاہے ۔
نجی ٹی وی نے ذرائع سے دعویٰ کیاہے کہ گزشتہ رات اعتماد کی ووٹنگ کے دوران پی ٹی آئی کے پانچ اراکین غیر حاضر رہے جن میں دوست مزاری، خرم لغاری، مومنہ وحید، فیصل چیمہ اور چوہدری مسعود شامل ہیں۔ ق لیگ اور پی ٹی آئی کے اراکین اسمبلی کی مجموعی تعداد 190 ہے جبکہ گزشتہ رات ایک آزاد امیدوار بلال وڑائچ نے بھی پی ٹی آئی کا ساتھ دینے کا فیصلہ کیا اور ایوان میں موجود تھے جنہیں ملا کر پی ٹی آئی کے ارکین کی تعداد 191 ہو جاتی ہے ۔
پنجاب حکومت کے ترجمان نے کہا کہ ہے کہ چوہدری مسعود کے خلاف پہلے ہی ریفرنس بھیجا جا چکاہے جبکہ غیر حاضر رہنے والے مزید چار اراکین کونااہل قرار دینے کیلئے ریفرنس بھیجا جائے گا۔
