اسلام آباد(اے ون نیوز) اسلام آباد کے علاقے ڈی ایچ اے فیز ٹو میں تیندوا جنگل سے نہیں کسی کے گھر سے آیا۔
اسلام آباد ڈی ایچ اے فیز ٹو میں تیندوے کے داخل ہونے پر ابتدائی رپورٹ مکمل کر لی گئی۔ ذرائع کے مطابق وائلڈ لائف بورڈ نے ابتدائی رپورٹ میں کہا کہ ڈی ایچ اے کے قریب کوئی جنگل یا ایسی جگہ نہیں جہاں تیندوے پائے جاتے ہوں۔
ابتدائی رپورٹ کے مطابق اسلام آباد میں تیندوا کسی جنگل سے انسانی آبادی میں داخل نہیں ہوا۔ تیندوے کو کسی نے گھر میں رکھا ہوا تھا لیکن ملکیت سے متعلق معلوم نہیں ہوسکا۔
رپورٹ میں کہا گیا ہے کہ تیندوا دن تین بجے کے قریب ڈی ایچ اے ٹو میں ایک زیر تعمیر گھر میں داخل ہوا۔ تیندوے کے حملے سے وائلڈ لائف کے عملے اورسیکیورٹی گارڈ سمیت پانچ افراد زخمی ہوئے۔
