لاہور(اے ون ٹی وی رپورٹنگ ٹیم) لاہور کا زمان پارک میدان جنگ بن گیا،پولیس نے عمران خان کے گھر کا محاصرہ کر لیا،پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے ناقابل ضمانت وارنٹ گرفتاری پر تعمیل کے لیے پولیس اور پی ٹی آئی کارکن آمنے سامنے آگئے،
تفصیلات کے مطابق عمران خان کے ناقابل ضمانت وارنٹ گرفتاری جاری ہونےکے بعد اسلام آباد پولیس کی ٹیم لاہور پولیس کی بھاری نفری کے ساتھ زمان پارک موجود ہے، پولیس نے زمان پارک جانے والے تمام راستے بند کر دیے ہیں، پولیس کو پی ٹی آئی کے کارکنوں کی طرف سے شدید مزاحمت کا سامنا کرنا پڑ رہا ہے۔
Situation is not so good at Zaman park. Please everyone reach Zaman Park Lahore to protect Imran Khan #زمان_پارک_پُہنچو #ZamanPark
pic.twitter.com/T7Erx7XIMn— Hina Zainab (@hina98_hina) March 14, 2023
پولیس کی بکتر بند گاڑی زمان پارک پہنچ گئی ہے، پی ٹی آئی کارکنوں کی بھی آمد جاری ہے جبکہ ڈنڈا بردار کارکن بھی موقع پر موجود ہیں۔
پولیس کی جانب سے دو افسروں نے گرفتاری کا نوٹس وصول کرانے کے لیے ہاتھ میں پلے کارڈ اٹھا رکھے ہیں، پلے کارڈز پر نوٹس وصول کرانے کے حوالے سے تحریر موجود ہے۔
Toxic smoke all over in Zaman Park by police forces! Innocent civilians are being tortured on the orders of some powerful ones! #زمان_پارک_پہنچو pic.twitter.com/awd6uiJLEP
— Momina (@Mo_Abbii) March 14, 2023
ڈی آئی جی آپریشنز اسلام آباد شہزاد بخاری عمران خان کی گرفتاری کے لیے زمان پارک میں اسلام آباد پولیس کی قیادت کر رہے ہیں، پولیس ذرائع کا کہنا ہےکہ شہرکے تمام تھانوں میں نفریاں اکٹھی کی جا رہی ہیں، اینٹی رائٹ یونٹ کو آنسو گیس کے شیل بھی فراہم کر دیے گئے ہیں، ایک ہزار سے زائد نفری کو الرٹ رہنے کا حکم دیا گیا ہے۔
ڈی آئی جی آپریشنز اسلام آباد شہزاد بخاری کا کہنا ہے کہ ان کے پاس عمران خان کے وارنٹ گرفتاری موجود ہیں جس کی تعمیل کے لیے زمان پارک آئے ہیں۔
پولیس عمران خان کی رہائش گاہ پہنچ گئی، جہاں پولیس پرپتھراؤ شروع ہو گیا، عمران خان کی رہائش گاہ کے اندر سے پتھراؤ کے باعث پولیس پیچھے ہٹنے پر مجبور ہو گئی، پتھراؤ ہونے سے ڈی آئی جی اسلام آباد نفری کے ساتھ پیچھے ہٹ گئے۔
Police has entered in the premises of zaman park for an illegal operation.#زمان_پارک_پہنچو pic.twitter.com/nhCRGrzrgQ
— PTI Islamabad (@PTIOfficialISB) March 14, 2023
پولیس نےدوبارہ سے واٹر کینن، شیلنگ کا استعمال شروع کر دیا، فوری طور پر رینجرز کو طلب کر لیا گیا، اس دوران پولیس نے چاروں اطراف سے زمان پارک کو گھیر لیا ہے۔
