لاہور ( اے ون نیوز)شہر میں ہونے والی موسلادار بارش کے دوران کرنٹ لگنے سے دو بچوں سمیت چار افراد جاں بحق ہو گئے۔
پولیس کے مطابق ہربنس پورہ میں بجلی کے سوئچ بورڈ سے کرنٹ لگنے سے ایک شخص جاں بحق ہوا۔ 35 سالہ شخص کی شناخت نہیں ہو سکی۔ ٹھوکر نیاز بیگ کے علاقے میں بجلی کے کھمبے سے کرنٹ لگنے سے ایک شخص جاں بحق ہو گیا۔
جس کی شناخت 28 سالہ اعجاز سلیمان کے نام سے ہوئی ہے۔ڈیفیس کے علاقہ میں بارش میں نہاتے ہوئے دو بچے کرنٹ لگنے سے جاں بحق جبکہ ایک زخمی ہو گیا۔پولیس کے مطابق افسوسناک واقعہ ڈیفنس کے علاقہ چرڑ پنڈ میں پیش آیا ہے۔
بچوں کی شناخت سیف اللہ اور زبیر رفاقت کے نام سے ہوئی ہے جبکہ کرنٹ لگنے سے سالک نامی بچہ زخمی بھی ہوا ہے۔
پولیس کا کہنا ہے کہ بارش میں نہاتے ہوئے بچوں کو بجلی کے کھمبے سے کرنٹ لگا۔ جاں بحق ہونے والے بچوں کی عمر دس سے بارہ سال ہے۔ لاشیں مردہ خانہ جمع کروا دی ہیں جبکہ زخمی کو طبی امداد کے لئے ہسپتال منتقل کر دیا گیا ہے۔
