اسلام آباد(اے ون نیوز)پاکستان نے ہتھیاروں کے نظام ابابیل کا کامیاب تجربہ کر لیا۔
آئی ایس پی آر کے مطابق ہتھیاروں کے نظام ابابیل کا مقصد مختلف ڈیزائن، تکنیکی پیرامیٹرز اور ہتھیاروں کے مختلف نظاموں کا جائزہ لینا ہے۔
تجربے میں مختلف ڈیزائن، تکنیکی پیرامیٹرز اور کارکردگی کا مشاہدہ کیا گیا،آئی ایس پی آر کے مطابق میزائل سسٹم کا مقصد دفاعی صلاحیت کو مضبوط بنانا ہے۔
چیئرمین جوائنٹ چیفس آف اسٹاف کمیٹی جنرل ساحرشمشادمرز ا نے تجربے کا مشاہدہ کیا، اس موقع پر سٹریٹجک فورسز کمانڈ کے افسران، سائنسدانوں اور انجینئرز نے بھی تجربے کو دیکھا۔
چیئرمین جوائنٹ چیفس آف سٹاف کمیٹی جنرل ساحر شمشاد مرزا نے اس موقع پر سائنسدانوں اور انجینئرز کی لگن اور مہارت کو سراہا اور انہیں مبارکباد دی۔
