جمائما خان کی فلم پاکستان میں کب ریلیز ہو رہی ہے؟

لندن (اے ون نیوز)برطانوی پروڈیوسر اور اسکرین رائٹر جمائما گولڈ اسمتھ نے اپنی فلم واٹس لو گاٹ ٹو ڈو وِد اِٹ (What’s Love Got To Do With It) کی پاکستان میں ریلیز ہونے کی تاریخ بتادی۔

جمائما کی فلم گزشتہ روز ریلیز ہوئی جب کہ فی الحال اسے پاکستانی ناظرین کے لیے پیش نہیں کیا گیا۔

ٹوئٹر پر جب جمائما نے فلم کی ریلیز سے متعلق ٹوئٹ کی تو اس پر پاکستانی گلوکار شہزاد رائے نے مبارکباد پیش کی اور سوال کیا کہ اسے پاکستان میں کب ریلیز کیا جائے گا؟

جمائما نے جواب میں شکریہ ادا کیا اور بتایا کہ اسے 3 مارچ بروز جمعہ کو پاکستان میں ریلیز کیا جائے گا۔

واضح رہے کہ جمائما کی فلم میں پاکستانی اداکارہ سجل علی سمیت بھارتی اداکارہ شبانہ اعظمی بھی ہیں۔