غزہ (اے ون نیوز)اسرائیل نے غزہ پر سفید فاسفورس بمبوں کی بارش کر دی،جس سے ہر طرف آگ لگ گئی ہے.
فلسطینی مزاحمتی تنظیم حماس اور اسرائیل کےدرمیان شدید جھڑپیں چوتھے روز میں داخل ہوگئی ہیں، اسرائیل کی جانب سے غزہ کی ناکہ بندی سخت کردی گئی ہے اور اسرائیل پر حملے تیز کر دیےگئے ہیں۔
اسرائیل کی جانب سے غزہ میں 200 اہداف کو نشانہ بنایا گیا، پناہ گزین کیمپ پر بھی حملے کیے گئے ہیں، ایمبولینس اور امدادی کارکن بھی اسرائیلی حملوں کی زد میں ہیں اور اسرائیل کی جانب سے بلا تفریق بمباری کی جا رہی ہے۔
اسرائیلی حملوں میں شہید فلسطینیوں کی تعداد 800 ہوگئی ہے جب کہ 3800 سے زائد زخمی ہیں۔
حالیہ اسرائیلی بمباری سے 3 فلسطینی صحافی جاں بحق ہوئے ہیں جب کہ ہفتے سے جاری بمباری میں اب تک 7 صحافی جاں بحق ہوچکے ہیں۔
LATEST: Shocking! Israel air force drops white Phosphorus bombs on Gaza#Israel #Gaza #IsraelPalestineWar #Hamas #طوفان_الأقصى | #IsraelAtWar | #طوفان_القدس #GazaUnderAttack pic.twitter.com/pFfmcjtMWJ
— Hareem Shah (@_Hareem_Shah) October 10, 2023
اسرائیل نے غزہ کی ناکہ بندی مزید سخت کردی ہے، پانی بجلی، خوراک اور ایندھن کی فراہمی مکمل بند کردی گئی ہے جس کے باعث پہلے سے پابندیوں کے شکار غزہ کے رہائشیوں کی مشکلات مزید بڑھ گئی ہی۔
اقوام متحدہ نے غزہ کی مکمل ناکہ بندی کو بین الاقوامی قوانین کی خلاف ورزی قرار دیا ہے اور کہا ہےکہ ناکہ بندی سے شہریوں کی بقا خطرے میں آجائےگی۔
اقوام متحدہ کے ادارے یونیسیف نے غزہ کے اندر اور باہر انسانی راہداری کا مطالبہ کیا ہے۔
یونیسیف کا کہنا ہےکہ ایک لاکھ87 ہزار سے زائد فلسطینی گھر چھوڑنے پر مجبور ہوکر اسکولوں میں پناہ لیے ہوئے ہیں۔
حماس کے ترجمان خالد قدومی نے میڈیا کو بتایا ہےکہ القسام بریگیڈ کے مجاہدین اب بھی مقبوضہ علاقوں میں 22 مقامات پر لڑ رہے ہیں، سیکڑوں اسرائیلی فوجی حراست میں ہیں۔
دوسری جانب اسرائیلی فوج نے غزہ سرحدی باڑکا کنٹرول دوبارہ حاصل کرنے کا دعویٰ کیا ہے، اسرائیلی فوج کا دعویٰ ہےکہ پیر کے بعد سے غزہ سےکوئی نئی دراندازی نہیں ہوئی، اسرائیلی فوج نےغزہ پٹی کی سرحد پر بارودی سرنگیں بھی بچھاناشروع کردی ہیں۔
