ملتان(اے ون نیوز) سیلاب متاثرین کیلئے اقدامات پر باپ نے اپنے سرکاری ملازم بیٹے کی کلاس لے لی اور اسے جھوٹا قرار دیدیا۔
تفصیلات کے مطابق صحافی ضعیم لغاری نے ملتان میں سیلاب متاثرین کے انٹرویو کی ویڈیو اپنے سوشل میڈیا اکاؤنٹ پر شیئر کی ہے جس میں ایک باپ نے اپنے سرکاری ملازم بیٹے کی کلاس لے لی اور اسے جھوٹا قرار دیدیا۔
سرکاری ملازم شخص کے والد نے کہا کہ پانی کی ایک بوتل بھی نہیں پہنچی ،بیٹا ہے میرا، یہ تھوڑا پڑھا لکھا ہے میں ان پڑھ ہوں،میں نے حقیقت بیان کی ہےیہ جھوٹ بولتے ہیں جو پڑھے لکھے لوگ ہیں۔میرا بیٹا 100فیصد جھوٹ بول رہا ہے۔
سرکاری ملازم کاکہناتھا کہ لوگ کہہ رہے ہیں کہ حکومتی نمائندے نہیں پہنچ رہے۔اس پر صحافی نے کہاکہ آپ کے والد کہہ رہے ہیں ۔
جس پر سرکاری ملازم نے کہاکہ جی میں نے سنا ہے،میں ان کی بات سے بھی مکمل اتفاق کرتا ہوں۔
صحافی نے سوال کیا کہ کیا آپ کے والد غلط بیانی کررہے ہیں، اس پر سرکاری ملازم نے کہاکہ بالکل نہیں کہنا چاہ رہا،جو انہوں نے حقائق بتائے وہ بھی حقیقت ہیں،جو میں بتا رہا ہوں ان کو بھی ہم غلط نہیں کہہ سکتے۔
سرکاری ملازم شخص نے کہاکہ جو سیدھی بات ہے،حکومت کیا کرے ،لوگ یہاں ڈھیٹ ہو کر بیٹھے ہوئے ہیں،سات دن پہلے انہوں نے کوئی ایسی بات نہیں کی،اس وقت جو صورتحال ہے کچھ لوگ جو 5فیصد بیٹھے ہوئے ہیں۔
رپورٹر نے سوال کیا کہ متاثرین تک پانی کی بوتل پہنچ ہے،سرکاری ملازم نے کہاکہ بالکل نہیں پہنچی۔رپورٹر نے کہاکہ ایک پانی کی بوتل تک نہیں پہنچی کیا کر رہی ہے آپ کی حکومت۔
اسی دوران سرکاری ملازم شخص نے والد نے کہاکہ پانی کی بوتل پہنچی ہے،بیٹا ہے میرا، یہ تھوڑا پڑھا لکھا ہے میں ان پڑھ ہوں،میں نے حقیقت بیان کی ہےیہ جھوٹ بولتے ہیں جو پڑھے لکھے لوگ ہیں۔میرا بیٹا 100فیصد جھوٹ بول رہا ہے۔میں نے جو کہا ہے کہ ہمارے علاقے میں ایک بوتل پانی کی پہنچی ہو تو دکھائیں۔
https://x.com/Zaeemlegharii/status/1964346634386514206
