ملتان(اے ون نیوز)سینئر سیاست دان جاوید ہاشمی نے کہا ہے کہ کئی دوست کہہ رہے ہیں کہ میں میاں نواز شریف کے بل پر الیکشن جیتتا رہا ہوں۔
تاریخ کی درستگی کے لیے بتاتا چلوں کے جب بھی میاں صاحب میرے حلقے میں آئے ہیں میں ہارا ہوں۔ 85 میں آزاد الیکشن جیتا، پھر 88 میں جب میاں صاحب میرے حلقے میں آئے میں ہار گیا۔
90 الیکشن کے دور میں نہیں آئے، میں جیت گیا۔ 93 میں وہ آئے میں ہار گیا ۔ ضمنی الیکشن ہوا( یاسمین راشد کے سسر مالک غلام نبی 77 میں ایسی حلقے سے میرے خلاف کاغذ اٹھا لئے)میاں نواز شریف نے میرے حلقے میں نا آئے نا خطاب کیا، میں نے شہباز شریف سے بھی زیادہ ووٹ لئے۔ جبکہ اسحاق ڈار اور میاں عباس شریف نے بہت کم ووٹ لئے۔
97 میں میاں صاحب میرے حلقے میں نا آئے اور میں جیت گیا۔ 2002 میں مجھے ٹکٹ کا انکار کیا لیکن میں نے یہ الیکشن جیل میں بیٹھ کے لڑا۔ کوئی پارٹی لیڈر میرے لئے تقریر کرنے نا آیا۔ یہ الیکشن بھی میں جیت گیا۔ 2008 میں میں نے 4 حلقوں سے الیکشن 3 میں میں جیت گیا، میاں صاحب ان تینوں میں نہیں آئے۔
2013 میں الیکشن تحریک انصاف کی ٹکٹ پر لڑا اور دو حلقوں جیت گیا، اور 2014 میں اسمبلی سے یہ کہہ کر استعفی دیا کہ میں نے اپنے سیاست قربان کردی ہے۔ جہاں تک میرے اوپر شریف خاندان کے احسانات کا الزام ہے۔ ملتان میں میرا ہی گھر میاں نواز شریف ہوں یا میری بہن محترم کلثوم نواز ہوں، انکے لئے جائے پناہ رہا۔ تب سے اب تک مسلم لیگ کا ملتان سے صفایا ہوگیا ہے۔
