سویلینز مارے بھی گئے ہیں تو ان کو گننا ہمارا کام نہیں ،بھارتی فضائیہ کے ایئر مارشل کا اعتراف

نئی دہلی (اے ون نیوز)بھارتی افواج کا نہتے پاکستانی شہریوں پر حملے کرکے جنگی جرائم کا ارتکاب۔

ذرائع کے مطابق بھارت نے پہلگام فالس فلیگ آپریشن کے جھوٹ کا سہارا لے کر پاکستان کیخلاف کھلی جارحیت کی،بھارت نے نہ صرف پاکستان کیخلاف جارحیت کی بلکہ نہتے معصوم شہریوں کو ہدف بنا کر جنگی جرائم بھی کئے.

بھارتی فضائیہ کے ایئر مارشل اے کے بھارتی نے خود اعتراف کیا:”اگر کوئی سویلینز مارے بھی گئے ہیں تو ان کو گننا ہمارا کام نہیں ہے۔

"بھارتی افواج کی 6 اور 7 مئی کو کھلی جارحیت میں 40 سویلینز شہید ہوئے،جن میں 15 معصوم بچے، 7 خواتین اور 18 مرد شامل تھے،
جن میں 10 خواتین اور 27 معصوم بچے شامل تھے،بھارتی جارحیت کا مقابلہ کرتے ہوئے مسلح افواج بشمول پاک فضائیہ اور آرمی کے 13 بہادر جوان شہید ہوئے.

دفاعی ماہرین کے مطابق نہتے اور معصوم شہریوں کے شہید ہونے کے شواہد اس بات کا ثبوت ہیں کہ بھارتی افواج نے بین الاقوامی قوانین کی خلاف ورزی کی، اقوام متحدہ اور انسانی حقوق کے اداروں کو بھارت کے ان اقدامات پر انصاف کے کٹہرے میں لانا چاہیے.

پاکستانی افواج نے اپنے دفاع میں جتنے بھی جوابی حملے کئے، ان میں صرف فوجی تنصیبات کو نشانہ بنایا گیا.