راولپنڈی (اے ون نیوز)راولپنڈی میں جنگلی چیتا نجی ہاوسنگ سوسائٹی میں گھس گیا اور پے درپے حملے کرکے پانچ افراد کو زخمی کردیا، اسسٹنٹ کمشنر نے عوامی مقامات اور پارکس بند کرنے کا حکم دے دیا۔
اے ون ٹی وی کے مطابق ڈی ایچ اے فیز ٹو راولپنڈی کی ایک نجی ہاوسنگ سوسائٹی کے گھر میں جنگلی چیتا داخل ہوگیا جس پر اہل محلہ نے امدادی ادارے اور وائلڈ لائف کو اطلاع دی۔
United states of dha2 isb #Leopard on the run 🫣😢 Stay inside stay safe #dha2islamabad pic.twitter.com/rfGjN4bB4B
— waqar Niazi (@niazi_888) February 16, 2023
چیتے کے حملے کے پیش نظر گھروں کے مکین اندر ہی چھپ گئے جب کہ امدادی ادارہ پہنچ گیا تاہم مہارت اور ہتھیار نہ ہونے کے سبب امدادی ادارہ چیتے کو نہیں پکڑسکا اور محکمہ وائلڈ لائف کا انتظار کرتا رہا۔ امدادی ادارے 1122 نے کہا کہ ہمارے پاس خون خوار چیتے کو قابو کرنے کے لیے کوئی جدید ہتھیار نہیں ہے۔
مکینوں کے طویل انتظار کے بعد راولپنڈی وائلڈ لائف کی ٹیم چیتے کو پکڑنے پہنچ گئی تاہم جنگلی چیتا تاحال قابو نہیں آسکا، امدادی ادارہ 1122، وائلڈ لائف عملہ اور اسلام آباد انتظامیہ کوششیں کررہے ہیں۔ راولپنڈی انتظامیہ نے زیر تعمیر گھر کے گرد رکاوٹیں لگائیں۔
Leopard in Islamabad. Enter in a housing society. Wild life team arrive on time & carried out the rescue operation.#Leopard pic.twitter.com/0PU4gCJWDI
— Asad_Azim (@axada2) February 16, 2023
چیتے نے پانچ لوگوں پر حملہ کیا جس میں وائلڈ لائف عملے کے دو ارکان اور دو سیکیورٹی گارڈز بھی شامل ہیں۔ چیتے نے پہلا حملہ سیکیورٹی گارڈ پر کیا جب کہ دو مزید حملوں میں وائلڈ لائف کے دو ملازمین کو زخمی کردیا بعدازاں چوتھے حملے میں بھی ایک سیکیورٹی کو شدید زخمی کردیا۔ وائلڈ لائف عملہ چیتے کو قابو کرنے کی کوششیں کررہا ہے مگر اسے کامیابی نہیں مل رہی۔
اسسٹنٹ کمشنر رورل زخرف فدا ملک نے چیتے کے حملے کے پیش نظر ڈی ایچ اے اسلام آباد اور گردونواح کے رہائشیوں کو گھروں میں رہنے اور باغات و عوامی مقامات کو بند کرنے کی ہدایت کردی اور کہا کہ محکمہ وائلڈ لائف اور آئی سی ٹی انتظامیہ اس وقت تیندوے کا سراغ لگانے کی کوشش کررہے ہیں پارکس اور عوامی مقامات تیندوے کے پکڑے جانے تک بند رہیں گے۔
Shame on the management of DHA! This #Leopard is roaming OPENLY since morning, yet not even a SINGLE wildlife worker with a tranquilliser is there. Tamashaybeen are on the streets rather than staying at home and guards are SHOOTING at this RARE species. NALAYAK QOUM 🤦🏽♂️ #dha2 pic.twitter.com/LGhDDyiAMf
— Saad Kaiser 🇵🇰 (@TheSaadKaiser) February 16, 2023
بعد ازاں وائلڈ لائف اور انتظامیہ نے چیتے کو ہلاک کرنے کا فیصلہ کیا اور سامنے آنے پر اس پر فائرنگ بھی کی۔
