راولپنڈی(اے ون نیوز)راولپنڈی میں اسکوٹی چلاتے ہوئے برساتی نالے میں گرنے والی 22 سالہ لڑکی کی لاش برآمد،ورثاءپر قیامت گزر گئی، اہل خانہ شدت غم سے نڈھال، فضا سوگوار اور ہر آنکھ اشک بار ہوگئی
گزشتہ روزصبح راولپنڈی میں بحریہ ٹاون فیز 6 میں 22 سالہ لڑکی برساتی نالے میں جاگری، جس کے بعد ریسکیو حکام کو طلب کیا گیا اور لڑکی کی تلاش کا آپریشن شروع ہوگیا،راولپنڈی کی نجی ہاو¿سنگ سوسائٹی بحریہ ٹاون فیز 6 میں لڑکی برساتی نالے میں ڈوب گئی ، ریسکیو ٹیموں نے آٹھ گھنٹے کے طویل سرچ اپریشن کے بعد لڑکی کی لاش نکال لی۔
ترجمان ریسکیو ڈبل ون ڈبل ٹو کا کہنا ہےابتدائی معلومات کے مطابق بیس سالہ لڑکی سکوٹی چلا رہی تھی کہ پانی کے تیز ریلے میں بہتی ہوئی نالے میں جا گری،انتظامیہ کا کہنا ہے کہ لاش سپتال منتقل کی جا رہی ہے لڑکی کی سکوٹی چلاتے ہوئے ویڈیو بھی سامنے آ گئی جس میں لڑکی کے تیز ریلے میں بہہ جانے کا افسوسناک منظر دیکھا جا سکتا ہے۔
نالے میں ڈوبنے والی لڑکی کی حمرا غوری کے نام سے شناخت ہوئی ہے،برساتی نالے میں بہہ جانے والی لڑکی غوری ٹاون کی رہائشی اور نجی ہاوسنگ سوسائٹی میں ملازمت کرتی تھی۔
