واشنگٹن (اے ون نیوز)بے ر اہ روی نے ہماری معاشرتی اقدار کا بیڑا غرق کر دیا ہے،ایسی ایسی خبریں سامنے آ تی ہیں کہ انسان کے رونگھٹے کھڑے ہو جاتے ہیں.
امریکہ سے تعلق رکھنے والی ایک سابقہ ٹیچر جس نے پانچ طالب علموں کے ساتھ جنسی تعلقات قائم کرنے اور ان میں سے ایک 12 سالہ طالب علم سے بچہ پیدا کرنے کا اعتراف کیا تھا، کو عدالت نے سزا سنا دی۔
ڈیلی سٹار کے مطابق ٹپٹن کاؤنٹی کی ٹیچر الیسا میک کامن جس پر ایک 12 سالہ لڑکے کے ساتھ زیادتی کا الزام تھااور جس کے بچے کی وہ ماں بنی، نے جمعہ کے روز کئی سنگین الزامات میں قصوروار ہونے کا اعتراف کیا۔ ان الزامات میں ایک بچے کے ساتھ زیادتی، اتھارٹی کے عہدے پر ہوتے ہوئے قانونی زیادتی کے دو الزامات، سنگین قانونی زیادتی کے تین الزامات، الیکٹرانک ذرائع سے ایک نابالغ کے جنسی استحصال کے تین الزامات، ایک نابالغ کو اکسانا، سنگین زیادتی کے دو الزامات، اور چائلڈ پروٹیکشن ایکٹ کی خلاف ورزی کا ایک الزام شامل ہیں۔
پولیس کے مطابق یہ الزامات پانچ متاثرین سے متعلق ہیں، لیکن انہوں نے مزید کہا کہ ٹینیسی کی سابقہ ٹیچر میک کامن کے متاثرین کی تعداد 21 تک ہو سکتی ہے۔ 38 سالہ میک کامن جو برطرف ہونے سے پہلے پانچویں جماعت کی ٹیچر تھی، کو جج بلیک نیل نے پیرول کے امکان کے بغیر 25 سال قید کی سزا سنائی۔ ڈبلیو آر ای جی کے مطابق جج نیل نے میک کامن کو یہ بھی بتایا کہ اس کا "نوزائیدہ بچے سے کوئی رابطہ نہیں ہوگا”۔
نیویارک پوسٹ نے رپورٹ کیا کہ اسے اپنی باقی زندگی کے لیے ایک پرتشدد جنسی مجرم کے طور پر بھی رجسٹر کرنا ہوگا اور اسے اپنے متاثرین سے رابطہ کرنے سے منع کر دیا گیا ہے۔
