کراچی(اے ون نیوز)کراچی سے لاہور جانے والی کراچی ایکسپریس کی بوگی میں آگ لگ گئی۔
ریلوے ذرائع کے مطابق گمبٹ کے قریب کراچی ایکسپریس کی بوگی نمبر 17 میں آگ لگ گئی۔ مسافروں نے متاثرہ بوگی سے چھلانگیں لگا کر اپنی جانیں بچائیں، ریلوے عملہ اپنی مدد آپ کے تحت آگ بجھانے کی کوشش کی۔
ریلوے ذرائع کے مطابق بوگی کو ٹرین سے کاٹ کر الگ کر دیا گیا جس کے بعد ٹرین کو اگلی منزل کی جانب روانہ کیا گیا ۔ آگ لگنے کی وجہ معلوم نہیں ہو سکی ، واقعہ میں کوئی جانی نقصان نہیں ہوا ۔
