اسلام آباد (اے ون نیوز) فریضہ حج کی ادائیگی کیلئے جانے والے عازمین حج کیلئے مفت آب زم زم کی سہولت ختم کردی گئی، اب انہیں اسے خریدنا پڑے گا۔
اے ون ٹی وی نے ذرائع کے حوالے سے دعویٰ کیا ہے کہ ایک لاکھ 79ہزار 210 عازمین سے آب زم زم کی قیمت پیشگی لی جارہی ہے۔
وزارت مذہبی امور کے ذرائع کا کہنا ہے کہ فی حاجی 15 ریال (1114 روپے) لیے جا رہے ہیں۔ حج سے واپسی پر پاکستان پہنچنے پر ہر حاجی کو پانچ لیٹر آب زم زم فراہم کیا جائے گا۔
