لندن(اے ون نیوز)مشرقی لندن میں سیف سکلز کرکٹ اکیڈمی کی جانب سے پاکستان اوورسیز پاکستانیز فاونڈیشن کے چئیرمین سید قمر رضا کے اعزاز میں عشائیہ دیا گیا۔
تفصیلات کے مطابق مشرقی لندن میں ایک پر جھرمٹ تقریب میں چئیرمین OPF کے اعزاز میں ایک عشائیہ دیا گیا ۔ جس میں لندن بھر سے بزنس کمیونٹی ۔ سیاسی اور سماجی شخصیات نے بھرپور شرکت کر کے سید قمر رضا کی تقرری کو اورسیز پاکستانیوں کے لئے ایک نتہائی منصفانہ اور موثر فیصلہ قرار دیا۔
تقریب سے خطاب کرتے ہوئے مختلف اورسیز پاکستانیوں نے کچھ مسائل کا ذکر کیا اور اپنی اپنی تجاویز بھی دیں۔ خصوصی طور پر برطانیہ سے ڈائریکٹ فلائٹس ۔ ذاتی موبائلز پر ٹیکس اور دونوں ایوان سے خصوصی عدالت کے بل پاس ہونے پر عمل داری کروانے کے عمل زیر غور لائے گئے۔
چئیرمین OPF نے اورسیز پاکستانیوں کی حقیقی ترجمانی کا یقین دلایا اور ان تمام مسائل پر اپنی ہر ممکن کوشش کرنے کا بھی وعدہ کیا۔ اور حاضرین سے یہ بھی کہا کہ مجھے آپ چئیرمین نہ سمجھیں بلکہ میں اپنے تمام اورسیز بھائیوں کا ملازم ہوں۔
