اسلام آباد(اے ون نیوز)بین الاقوامی سمز کی غیر قانونی خریدوفروخت میں ملوث عناصر کے خلاف ملک گیر کریک ڈاؤن جاری ہے۔
اے ون ٹی وی کے مطابق ایف آئی اے سائبر کرائم سرکل راولپنڈی کی بڑی کارروائیاں،سوشل میڈیا کے ذریعے بین الاقوامی ایکٹیو سمز کی فروخت میں ملوث ملزم منظم گینگ کے خلاف چھاپہ مار کارروائی۔
غیر قانونی بین الاقوامی سمز کی فروخت میں ملوث 5 ملزمان گرفتار،گرفتار ملزمان کی شناخت محمد عامر، محمد مدثر، محمد ذکریا، سید نور اور وجیہہ محمود کے نام سے ہوئی۔
ملزمان کو چھاپہ مار کارروائی میں راولپنڈی سے گرفتار کیا گیا،ملزمان بین الاقوامی سمز کی غیر قانونی فروخت میں ملوث تھے،گرفتار ملزمان سوشل میڈیا کے ذریعے بین الاقوامی سمز کی خریدوفروخت کرتے تھے۔
بین الاقوامی نمبرز غیر قانونی سرگرمیوں میں استعمال ہوتے تھے،مذکورہ سمز بلیک میلنگ، بھتہ خوری، فراڈ، جعلی سکیموں اور آن لائن مالیاتی فراڈ میں استعمال ہوتی تھیں،گرفتار ملزمان سے 335 غیر قانونی سمز اور 5 عدد موبائل فون برآمد کر لیے گئے۔
چھاپہ مار کارروائی پاکستان ٹیلی کمیونیکیشن اتھارٹی کی ٹیم کے ہمراہ عمل میں لائی گئی،ملزمان کو گرفتار کر کے تفتیش کا آغاز کر دیا گیا ہے، دیگر ملزمان کی گرفتاری کے لئے چھاپے مارے جا رہے ہیں۔
