لاہور (اے ون نیوز)جنوبی افریقہ کے کوچ روب والٹر کی میچ کے بعد پریس کانفرنس کرتے ہوئے کہا ہے کہ باؤلنگ میں آخری دس اوورز میں کیوی بلے بازوں کو کنٹرول نہیں کرسکے.
روب والٹر نے کہا بیٹنگ میں ہماری پارٹنرشپس نہیں بن سکیں، بہت اچھی بیٹنگ پچ تھی اور ہم دوسری وکٹ کی پارٹنرشپ کو توڑنے میں کامیاب نہیں ہوئے، ہماری بیٹنگ کے دوران اہم موقعوں پر ہماری اہم وکٹیں گریں جس سے ہم ہدف تک نہ پہنچ سکے.
انہوں نے کہا دوسری اننگ میں بال تھوڑا سا بریک ہوا، ہم نے پاکستان میں بہت شاندار وقت گذرا ہے،پاکستان نے چیمپئنز ٹرافی کا بہت شاندار انداز میں انعقاد کیا ہے،پاکستان کی میزبانی کو بھی بہت انجوائے کیا، اس ٹور میں ہمارے لیے بہت سی مثبت چیزیں بھی تھیں.
