اوٹاوہ(اے ون نیوز)رہنما تحریکِ خالصتان گرپتونت سنگھ پنوں کی باکستان کے ساتھ اظہار یکجہتی،بھارت کے اقلیتوں بالخصوص سکھوں پر مظالم سب پر عیاں ہیں .
اے ون ٹی وی کے مطابق بھارت کی ریاستی دہشت گردی کے خلاف سکھ رہنما بھی بول پڑے ،رہنما تحریکِ خالصتان گرپتونت سنگھ پنوں نے کہا ہے کہ ہم پاکستانی عوام کے ساتھ اینٹ کی طرح کھڑے ہیں،یہ نہ تو 1965 ہے نہ 1971 یہ 2025 ہے.
گرپتونت سنگھ پنوں نے کہا ہم انڈین آرمی کو پنجاب سے گزر کر پاکستان پر حملہ نہیں کرنے دیں گے ،پاکستان کا نام ہی پاک ہے ، ہم دو کروڑ سکھ پاکستان کے ساتھ کھڑے ہیں ،انڈیا کی اتنی ہمت نہیں کہ وہ پاکستان پر حملہ کرے .
ہماری روایت ہے کہ نہ ہم نے کبھی پہلے حملہ کیا ہے نہ پہلے حملہ کریں گے ، جس نے بھی حملہ کیا پھر وہ بچا نہیں پھر چاہے اندرا گاندھی ہو نریندر مودی ہو یا امیت شاہ ، ہم مودی ، اجیت ڈول، امیت شاہ اور جے شنکر کو عالمی قوانین کے تحت کٹہرے میں کھڑا کریں گے.
انہوں نے اپنے ویڈیو پیغام میں کہا ہے کہ پہل گام میں جو ہوا انہوں نے اپنے ہی ہندوؤں کو خود مار دیا ، اس حملے کا مقصد راج نیتی اور ووٹ کا حصول ہے.
