اسلام آباد(اے ون نیوز)اب تک افواجِ پاکستان نے بھارت کے کل 77 ڈرونز کو تباہ کر دیا ہے.
سیکیورٹی ذرائع کے مطابق 8 مئی کی شام تک 29 بھارتی ڈرونز کو مار گرایا گیا، جبکہ کل رات سے آج دن تک مزید 48 ڈرونز تباہ کیے گئے، بھارت کے ناکام ڈرون حملے – وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کر دیے گئے.
6 میں سے 1 ڈرون وہاڑی، 1 پاکپتن جبکہ 4 ڈرونز اوکاڑہ میں تباہ کیے گئے، اب تک دشمن کے کل 35 ڈرونز کو تباہ کیا جا چکا ہے.
ڈی جی آئی ایس پی آر کا کہنا ہے کہ تمام ڈرونز مسلسل ریڈار پر مانیٹر کیے جا رہے تھے،جب بھی کوئی ڈرون آتا ہے تو وہ مسلسل ریڈار پر دیکھا جا رہا ہوتا ہے،ہمارے ایئر ڈیفنس سسٹم میں اتنی صلاحیت ہے کہ وہ چھوٹے ڈرون کو بھی ٹریک کر لیتا ہے.
شہری علاقوں اور کمرشل فلائٹس کی موجودگی میں ڈرون مار گرانے کا ایک آپریشنل طریقہ کار موجود ہے.
دفاعی ماہرین کے مطابق پاکستان کا دفاعی نظام اور ایئر ڈیفنس سسٹم دشمن کے حملوں کو مسلسل ناکام بنا رہا ہے، ہر ڈرون کی ٹریکنگ سے واضح ہے کہ پاکستان کا دفاعی اور ایئر ڈیفنس سسٹم انتہائی مضبوط ہے.
