لاہور(اے ون نیوز)معروف ادبی شخصیت ڈاکٹر عارفہ سیدہ زہرا انتقال کر گئیں۔ اصغر ندیم سید نے عارفہ سیدہ کے انتقال پر گہرے دکھ اور افسوس کااظہار کیا ہے۔
عارفہ سیدہ زہرا نے ایم اے اردو گورنمنٹ کالج لاہور سے کیا،عارفہ سیدہ نے ایسٹ ویسٹ سینٹر، یونیورسٹی آف ہوائی سے تاریخ میں ڈاکٹریٹ کی ڈگری حاصل کی،عارفہ سیدہ 1986تا2009تک گورنمنٹ کالج فارویمن گلبرگ لاہور کی پرنسپل رہیں،عارفہ سیدہ سات زبانوں پر عبوررکھتی تھیں۔
انہوں نے ادبی محافل اور کانفرنسوں میں حصہ لیا، انسانی مکالمہ اور اردو زبان کے فروغ کیلئے خدمات انجام دیں۔عارفہ سیدہ تعلیمی، انتظامی، سماجی اور ثقافتی کمیٹیوں کی رکن ہیں۔
