لندن(اے ون نیوز)ٹک ٹاکر حریم شاہ نے شوہر کے اغوا کا الزام مریم نواز پر لگا دیا.
ایکس(ٹویٹر ) پر اپنے بیان میں انہوں نے کہا بظاہر مریم نواز کی ایما پر میرے شوہر بلال کو کراچی سے اغواء کیا گیا ہے۔ آئی ایس آئی سے اپیل کرتی ہوں کہ بلال کو جلد از جلد بازیاب کرایا جائے۔
حریم شاہ نے مزید کہا ہے کہ شوہر کو اس لیے اغواہ کیا گیا کہ میں فون میں موجود مریم کی متنازع ویڈیوز لیک نہ کروں.
بظاہر مریم نواز کی ایما پر میرے شوہر بلال کو کراچی سے اغواء کیا گیا ہے۔ آئی ایس آئی سے اپیل کرتی ہوں کہ بلال کو جلد از جلد بازیاب کرایا جائے۔ pic.twitter.com/PSpls0oJZR
— Hareem Shah (@_Hareem_Shah) September 4, 2023
ٹک ٹاکر حریم شاہ کے شوہر بلال حسین شاہ کے اغوا کا مقدمہ کراچی کے ڈیفنس تھانے میں درج کر لیا گیا۔
سینیئر سپرنٹنڈنٹ آف پولیس(ایس ایس پی) جنوبی کراچی شیراز نذیر کے مطابق ایف آئی آر نمبر 533/23 بلال شاہ کی والدہ بی بی شہزادی بیگم کی مدعیت میں ڈیفنس تھانے میں درج کی گئی ہے۔
خاتون کے مطابق ان کے بیٹے بلال حسین شاہ کو 27 اگست کو کراچی کے علاقے قیوم آباد بلاک بی کی گلی نمبر 6 میں میں گھر سے نکلنے کے بعد اغوا کیا گیا۔ ایف آئی آر میں کہا گیا ہے کہ گھر سے نکلنے کے بعد مین روڈ پر تین مختلف گاڑیوں میں سوار نامعلوم افراد نے انہیں اغوا کیا۔
مدعیہ کے مطابق اغوا کرنے والے ان کے بیٹے کی گاڑی بھی ساتھ لے گئے اور بلال شاہ کااب تک گھر والوں سےکوئی رابطہ نہیں ہوسکا۔ ایف آئی آر نامعلوم ملزمان کے خلاف درج کی گئی ہے۔
پولیس کا کہنا ہے کہ اس سلسلے میں تفتیش شروع کر دی گئی ہے۔
خیال رہے کہ حریم شاہ نے ویڈیو بیان جاری کیا تھا اور کہا تھاکہ شوہر بلال شاہ گزشتہ ہفتے لندن میں میرے ساتھ تھے، وہ کراچی پہنچے تو انہیں سادہ کپڑوں میں ملبوس افراد نے اٹھالیا۔
