آصف زرداری پی ٹی آئی سے رابطہ کرنے کی کوشش کرتے رہے، شیر افضل مروت

 پی ٹی آئی رہنما شیر افضل مروت نے دعویٰ کیا ہے کہ سابق صدر آصف زرداری کل رات پی ٹی آئی سے رابطہ کرنے کی کوشش کرتے رہے۔

میڈیا سے  گفتگو کرتے ہوئے  انہوں نےدعویٰ کیا کہ آصف زرداری کل رات 11 بجے تک مجھ سے رابطے کرتے رہے، ان رابطوں پر دستیاب قیادت علیمہ خان،  شہریار آفریدی، شاندانہ گلزار ہم نے بیٹھ کر ڈسکشن کی۔

شیر افضل کے مطابق پیپلزپارٹی نے عندیہ دیا ہے کہ جو آپ کی سیٹیں ہیں ڈیو پراسس آف لا سے واپس لے لیں ہم اعتراض نہیں کریں گے۔پیپلزپارٹی نے عندیہ دیا کہ ہماری ترجیح ن لیگ کے بجائے پی ٹی آئی ہے۔

شیر افضل مروت کا کہنا تھا کہ بانی پی ٹی آئی کا دو ٹوک مؤقف ہے کہ مینڈیٹ چرانے والو ں کے ساتھ مل کر حکومت سازی نہیں کرسکتے ، یہ پیش رفت کل بانی پی ٹی آئی کے نوٹس میں لاؤ نگا۔