نئی دہلی (اے ون نیوز) بھارتی میڈیا کی جانب سے پاکستان کے خلاف جھوٹے پراپیگنڈے کا سلسلہ جاری ہے۔ پہلے ایف 16 اور جے ایف 17 گرانے کے دعوے کیے گئے، اب ایک پاکستانی پائلٹ پکڑنے کا جھوٹ گھڑا جا رہا ہے۔
بھارت سے تعلق رکھنے والی خاتون صحافی برکھا دت نے دعویٰ کیا ہے۔ انہوں نے ایکس پر لکھا ” ایک پاکستانی پائلٹ بھارت کی تحویل میں ہے .
یہ پیش رفت ایسے وقت میں ہوئی ہے جب بھارت نے پاکستان کی جانب سے جموں، پٹھان کوٹ، اُدھم پور، سرینگر، آر ایس پورہ اور جیسلمیر پر کیے گئے متعدد میزائل اور ڈرون حملوں کو ناکام بنا دیا ہے – تمام حملے ناکام بنا دیے گئے ہیں ۔”
دوسری جانب پاکستان نے ایسے دعووں کی تردید کی ہے۔’’ایکس‘‘ پر جاری اپنے بیان میں عطا تارڑ نے کہا "بھارت کی جانب سے ایف-16 اور جے ایف-17 طیارے گرانے کے بے بنیاد اور جھوٹے دعوے کیے جا رہے ہیں۔ جھوٹی اور من گھڑت کہانیاں آپ کو کہیں نہیں لے جائیں گی۔ ایسے غلط دعوے صرف آپ کی مایوسی کو ظاہر کرتے ہیں۔ ان دعوؤں کو مکمل طور پر مسترد اور رد کیا جاتا ہے۔”
سوچنے کی بات ہے کہ جب پاکستان کا کوئی طیارہ گرا ہی نہیں تو پھر پائلٹ کو کیسے پکڑا جا سکتا ہے؟
