بہاولنگر، قصور، عارفوالا(اے ون نیوز)بھارتی سیلابی ریلوں سے تباہی مچادی ، ستلج میں پانی کا بہاو¿ تیز، متعدد بستیاں اجڑ گئیں،بہاولنگر، قصور، عارفوالا کے علاقے سیلابی ریلوں سے بری طرح متاثر۔
تفصیلات کے مطابق دریائے ستلج میں اونچے درجے کے سیلاب ، ہیڈ اسلام اور گنڈا سنگھ والاکے مقامات پر دریا سے ملحقہ دیہات اور بستیاں زیر آب،سیلابی ریلوں سے مکانات گر گئے جبکہ فصلیں تباہ ہو گئیں، زیرآب آنے والے 480 دیہات اور موضع جات کی رپورٹ جاری کر دی گئی۔
پی ڈی ایم اے کے مطابق سب زیادہ 155 دیہات اور موضع جات ضلع بہاولنگر میں زیر آب آئے ہیں، سیلاب سے مختلف اضلاع کے 480 دیہات و موضع جات متاثر ہیں،بہاولنگر کے 155، قصور کے 93، وہاڑی کے 77، اوکاڑہ کے 76، اوکاڑہ کے 76، بہاولپور کے 47 اور لودھراں کے 14 دیہات وموضع جات زیرآب آ گئے ہیں۔
سیلاب سے متاثرہ علاقوں میں امدادی سرگرمیاں جاری ہیں، دریائے ستلج کی طغیانی اب کم ہونے لگی ہے، بہاولنگر، قصور، اوکاڑہ، پاکپتن، لودھراں، وہاڑی اور بہاولپور سے 970 افراد ریسکیو کیا گیا ہے۔
