لاہور(اے ون نیوز)لاہور ہائیکورٹ نے بیوی کی اجازت کے بغیر دوسری شادی کرنے پر شہری کی سزا و جرمانہ برقرار رکھنے کا حکم دیدیا۔
لاہور ہائیکورٹ میں بیوی کی اجازت کے بغیر دوسری شادی کرنے پر سزا کے خلاف شہری کی اپیل پر سماعت ہوئی،وکیل نے کہاکہ محمد حسین نے پہلی شادی 1999،دوسری 2017میں کی، چیف جسٹس عالیہ نیلم نے کہا کہ کیا بیوی پرانی ہو جائے تو نئی شادی کا جواز بن جاتا ہے؟اگر خواتین بھی ایسا کریں تو معاشرے کا کیا حال ہوگا؟ٹرائل کورٹ نے سزا معقول وجوہات کی بنیاد پر سنائی۔
چیف جسٹس عالیہ نیلم نے شہری کی اپیل مسترد کردی،عدالت نے شوہر کو 3ماہ قید اور 10لاکھ جرمانہ برقرار رکھا۔
