لاہور(اے ون نیوز) رمضان المبارک کی آمد قریب آتی جا رہی ہے ماہرین فلکیات اور موسمیات کی جانب سے اس حوالے سے پیشگوئی کی گئی ہے۔
دنیا بھر میں مسلمان رحمتوں، برکتوں والے مہینے رمضان المبارک کا شدت سے انتظار کرتے ہیں۔ اس ماہ مقدس کی آمد میں صرف تین ماہ باقی رہ گئے ہیں۔ ماہرین فلکیات نے پہلا روزہ کب ہوگا اور عیدالفطر کب منائی جائے گی، اس حوالے پیشگوئی کی ہے۔
العربیہ کے مطابق امارات فلکیاتی انجمن نے نئے ہجری سال 1477 میں پہلا روزہ جمعرات 19 فروری 2026 کو ہونے کی پیشگوئی کی ہے۔
اماراتی فلکیاتی انجمن کے صدر ابراہیم جروان کے مطابق رمضان 1447 کا چاند منگل 17 فروری کو شام 4 بج کر ایک منٹ پر (امارات کے وقت کے مطابق) پیدا ہوگا، جو سعودی عرب کے وقت کے مطابق 3 بجکر 1 منٹ بنتا ہے۔
یہ بھی پڑھیں….
ٹی ایل پی سے آخری منٹ تک مذاکرات ہوئے مگر وہ نہیں مانے،محسن نقوی
ان کا کہنا ہے کہ سورج غروب ہونے کے تقریباً ایک منٹ بعد ہی چاند غائب ہو جائے گا، اس طرح غروبِ آفتاب کے وقت اس کی عمر صرف 2 گھنٹے 12 منٹ ہوگی، لہٰذا اس شام ہلال نظر آنے کا امکان بہت کم ہے۔
فلکیاتی ماہر نے اسی بنیاد پر جمعرات 19 فروری کو یکم رمضان المبارک ہونے کا امکان ظاہر کیا ہے۔
یہ بھی پڑھیں….
اسلام آباد میں تحریک لبیک پاکستان کے دفاتر، مساجد اور مدارس سیل
اماراتی فلکیاتی انجمن کے صدر ابراہیم جروان نے رواں برس رمضان المبارک میں 29 روزے ہونے اور عیدالفطر جمعہ 20 مارچ کو ہونے کی پیشگوئی بھی کی ہے۔
واضح رہے کہ اسلامی مہینوں کا آغاز چاند دیکھ کر کیا جاتا ہے اور اس کا باضابطہ اعلان مرکزی رویت کمیٹی کرتی ہے۔
یہ بھی پڑھیں….
