لاہور(اے ون نیوز)آپریشن’’بنیان مرصوص‘‘ میں تاریخی کامیابی پرنامور شوبز شخصیات کا افواج پاکستان کو شاندار خراج تحسین.
اے ون ٹی وی کے مطابق نامور پاکستانی اداکاروں کا بھارت کو منہ توڑ جواب دینے پرافواجِ پاکستان کوزبردست خراج عقیدت ،اداکار عمران اشرف نے کہاپوری دنیا کے سامنے پاکستان، افواج پاکستان اور عوام سرخرو ہو گئی،آپریشن بُنْيَانٌ مَّرْصُوْص چند گھنٹوں میں ہی کامیاب ہو گیا.
اداکار عمران اشرف نے مزید کہاعوام نے افواجِ پاکستان کے شانہ بشانہ کھڑے ہو کر ثابت کر دیا کہ پرحملے کا بھرپور جواب دیا جائے گا، افواجِ پاکستان نے ثابت کر دیا کہ ہم پر حملہ کرنے والی ہر طاقت کا وہی انجام ہوگا جو بھارت کا ہوا.
اداکاریاسرنواز نے کہاافواجِ پاکستان نے بھارت کو کرارا جواب دے کر ایسا سبق سکھایا ہے کہ وہ ہمیشہ یاد رکھےگا، افواجِ پاکستان کی بے مثال بہادری کو سلام، پاکستان زندہ باد، افواجِ پاکستان پائِندہ باد.
اداکار احسن خان نے کہا افواجِ پاکستان نےدنیا بھر میں پاکستان اور عوام کا نام بلند کیا، ہمیشہ یہ سنتے آئے ہیں کہ قوم کا دفاع مضبوط ہاتھوں میں ہے، اور الحمدللہ آج یہ ثابت ہوگئی.
