لاہور (اے ون نیوز)پاکستان کا متنازعہ ترین وی لاگر رجب بٹ بیرون ملک بھاگ نکلا.
تفصیلات کے مطابق یوٹیوبر رجب بٹ نے حالیہ تنازع اور ان کے خلاف قانونی کارروائی کے بعد پاکستان چھوڑ دیا ہے اور عارضی طور پر وی لاگنگ سے وقفے کا اعلان کیا ہے۔
رجب بٹ پر الزام ہے کہ انہوں نے اپنے مواد میں مبینہ طور پر اسلامی شخصیات کی توہین کی ہے، جس پر لاہور ہائی کورٹ میں درخواست بھی دائر کی گئی ہے۔
رجب بٹ نے اپنی موجودہ لوکیشن ظاہر نہیں کی، تاہم حالیہ ٹک ٹاک لائیو سیشن میں اس نے دبئی اور پاکستان کے وقت کا ذکر کر کے بیرون ملک موجودگی کا اشارہ دیا۔ اس نے واضح کیا کہ انہوں نے ویلاگنگ چھوڑ دی ہے لیکن وہ ٹک ٹاک پر لائیو آتا رہےگا۔
اپنے لائیو سیشن میں رجب بٹ نے بتایا کہ وہ اپنی والدہ کی اجازت کے بغیر کوئی نیا وی لاگ اپ لوڈ نہیں کرے گا۔ اس کے بقول، اُس کی والدہ موجودہ صورتحال سے پریشان ہے اور اس نے بیٹے کی سلامتی کو اولین ترجیح دیتے ہوئے اسے خود ایئرپورٹ چھوڑنے آئیں۔
رجب بٹ نے کہا کہ وہ وی لاگنگ کو خیرباد نہیں کہہ رہا، لیکن فی الحال حالات بہتر ہونے کا انتظار کروں گے۔ اس نے مزید بتایا کہ وضاحت کے لیے ویڈیوز ریکارڈ کر چکے ہیں، جنہیں وہ مناسب وقت پر جاری کریں گے۔
