اسلام آباد(اے ون ٹی وی نیوز)پاکستان کے معروف نوجوان ڈیجیٹل کانٹینٹ کریئیٹر طلحہ احمد نے وزیراعظم شہباز شریف سے ملاقات کی، جس میں وزیراعظم نے ان کی تخلیقی صلاحیتوں اور سوشل میڈیا پر مثبت کردار کی تعریف کی۔
وزیراعظم آفس سے جاری اعلامیے کے مطابق یہ ملاقات وزیراعظم آفس اسلام آباد میں ہوئی، جس کے دوران شہباز شریف نے طلحہ احمد کو ڈیجیٹل میڈیا پر نمایاں کامیابی حاصل کرنے پر اعزازی شیلڈ اور الیکٹرانک ٹیبلیٹ تحفے میں دیا۔
وزیراعظم نے کہا”آج کے جدید دور میں پاکستان کے نوجوان اور بچے اپنی خداداد صلاحیتوں کے ذریعے دنیا میں اپنا لوہا منوا رہے ہیں، اور طلحہ احمد اس کا بہترین نمونہ ہیں۔”
طلحہ احمد نے وزیراعظم پاکستان کی جانب سے ملنے والی پذیرائی اور حوصلہ افزائی پر شکریہ ادا کیا اور کہا کہ یہ اعتماد ان کے لیے باعث فخر ہے۔
طلحہ احمد کون ہیں؟
طلحہ احمد پاکستان کے کم عمر اور مقبول ترین ڈیجیٹل کریئیٹرز میں شمار ہوتے ہیں۔ انہوں نے یوٹیوب، انسٹاگرام اور دیگر سوشل پلیٹ فارمز پر اپنی مثبت، معیاری اور تفریحی ویڈیوز سے لاکھوں دل جیتے ہیں۔
