چلاس(اے ون نیوز) مسافر بس کھائی میں جا گری، 20 افراد جاں بحق، درجن سے زائد شدید زخمی، بس کو حادثہ چلاس کے علاقے شاہراہ قراقرم پر یشوکھل داس کے مقام پر پیش آیا ۔
اے ون ٹی وی کے مطابق راولپنڈی سے ہنزہ جانےوالی مسافر بس تیز رفتاری کے باعث اچانک کھائی میں جا گری، ریسکیو ٹیم موقع پر پہنچ گئی، زخمی ہونے والوں کو طبی امداد کیلئے ہسپتال منتقل کر دیا،20 کے قریب مسافر دم توڑ گئے، متعدد کی حالت تشویشناک بتائی جا رہی ہے۔
ترجمان وزیر اعلیٰ گلگت بلتستان نے حادثے میں 20 مسافروں کی ہلاکت کی تصدیق کر دی۔
ریسکیو حکام کے مطابق بس کو حادثہ یشوکھل داس کے قریب موڑ کاٹتے ہوئے پیش آیا، بس میں 35 سے زائد مسافر سوار تھے، چلاس ہسپتال میں ایمرجنسی نافذ کر دی گئی۔
حادثے کی اطلاع ملنے کے بعد ریسکیو ٹیم موقع پر پہنچ گئی اور زخمی ہونے والوں کو طبی امداد کیلئے ہسپتال منتقل کر دیا جہاں 20 کے قریب مسافر دم توڑ گئے جبکہ متعدد کی حالت تشویشناک بتائی جا رہی ہے، پولیس نے حادثے کی وجہ معلوم کرنے کیلئے تفتیش شروع کر دی۔
ترجمان وزیر اعلیٰ گلگت بلتستان فیض اللہ فراق نے حادثے میں 20 مسافروں کی ہلاکت کی تصدیق کرتے ہوئے بتایا ہے کہ بس کو حادثہ یشوکھل داس کے قریب موڑ کاٹتے ہوئے پیش آیا، بس میں 35 سے زائد مسافر سوار تھے، چلاس ہسپتال میں ایمرجنسی نافذ کر دی گئی۔
