لاہور(کر ائم رپورٹر)ای چالاننگ میں سینچری کرنے والا رکشہ پکڑا گیا۔
تفصیلات کے مطابق ٹریفک پولیس نے مغلپورہ کے علاقے میں ای چالاننگ میں سینچری مکمل کرنے والا رکشہ پکڑ کر تھانہ مغل پورہ میں بند کروا دیا اورکاغذات بھی قبضہ میں لے لئے سی ٹی او لاہور ڈاکٹر اسد ملہی کا کہنا ہے کہ رکشہ ڈرائیور نے 127 مرتبہ ٹریفک سگنل، 03 مرتبہ لین لائن کی خلاف ورزی کی، ڈرائیور کو 26 ہزار سے زائد جرمانہ عائد کیا گیا ہے۔
سٹی ٹریفک پولیس کی 17 ٹیمیں ای چالان نادہندہ گاڑیوں کے خلاف کارروائی کررہی ہیں اس حوالے سے ٹریفک وارڈنز کو ڈیوائسز اور پرنٹر بھی فراہم کئے گئے ہیںڈیوائسز کی مدد سے باآسانی ای چالان نادہندہ گاڑیوں کا پتہ کیا جاسکتا ہے۔
