وفاقی دارالحکومت اسلام آباد میں خود کش دھماکے سے ایک پولیس اہلکار شہید اور 3 زخمی ہو گئے۔
ریسکیو ذرائع کے مطابق دھماکا اسلام آباد کے علاقے آئی ٹین فور کے علاقے میں ہوا۔
اسلام آباد پولیس کے ترجمان کا اس حوالے سے بتانا ہے کہ اہلکاروں نے ایک مشکوک گاڑی کی تلاشی کے لیے روکا تو گاڑی میں موجود دھماکا خیز مواد پھٹ گیا، ابتدائی اطلاعات کے مطابق دھماکا خودکش تھا۔
پولیس ترجمان کے مطابق دھماکے میں گاڑی کا ڈرائیور بھی ہلاک ہوا جبکہ 4 پولیس اہلکار زخمی ہوئے جنہیں فوری طور پر پمز اسپتال منتقل کیا گیا۔
بعد ازاں پولیس حکام نے تصدیق کی ہے کہ دھماکے میں ایک پولیس اہلکار کے شہید ہونے کی تصدیق کر دی۔
دھماکے کے فوری بعد قانون نافذ کرنے والے اداروں کے اہلکاروں نے جائے وقوعہ کا محاصرہ کر کے علاقے کو گھیرے میں لے لیا ہے۔
