لاہور(اے ون نیوز)لاہور میں نامعلوم افراد کی فائرنگ سے طیفی بٹ کا بہنوئی قتل اوراہلیہ زخمی ہو گئیں۔
لاہور میں کینال روڈ پر نامعلوم افراد نے گاڑی پر فائرنگ کردی، فائرنگ سے گاڑی میں موجود طیفی بٹ کا بہنوئی جاں بحق جبکہ اہلیہ زخمی ہو گئیں اور ملزمان فائرنگ کرتے ہوئے فرار ہوگئے،پولیس کی نفری موقع پر پہنچ گئی، زخمی خاتون کو ہسپتال منتقل کردیاگیا۔
بالاج ٹیپو کے دادا سلطان محمود عرف بچھو پہلوان نے الزام عائد کیا طیفی بٹ نے خود اپنے بہنوئی جاوید بٹ کو قتل کرایاہے ، طیفی بٹ اپنی ذات کیلئے کچھ بھی کرسکتاہے۔
انہوں نے کہا ہمیں اس واقعہ کا بے حد افسوس ہوا،ہمارا ان سے کوئی لینا دینا نہیں ہے، ہمیں گن مینوں کو ساتھ لیکر چلنے کا کوئی شوق نہیں ہے۔ حکومت جلد از جلد اس معا ملے کو ختم کرے۔
