بالا کوٹ(اے ون نیوز)ناران میں برفانی گلیشیئر نے تباہی مچا دی، کئی ہوٹل دب گئے۔
ڈی جی کاغان ڈیولپمنٹ اتھارٹی کے مطابق بعض ہوٹلوں کی عمارتوں کو نقصان بھی پہنچنے کی اطلاعات ہیں، ناران کے راستے برفباری کے باعث بند ہیں،نقصانات کی مصدقہ تفصیلات نہیں مل سکیں۔
اے ون ٹی وی کے مطابق ان کا کہنا تھا کہ جب تک ٹیم موقع پر نہیں پہنچتی کچھ کہنا قبل از وقت ہو گا، صورت حال کے پیش نظر کے ڈی اے کا ہنگامی اجلاس طلب کیا گیا ، نقصانات کا جائزہ لینے کے لیے کمیٹی تشکیل دی ہے،متاثرین کے ساتھ ہر ممکن تعاون کریں گے۔
ان کا کہنا تھاناران روڈ بحال ہونے کے فوری بعد متاثرہ افراد کی بحالی میں مدد کریں گے،ناران میں درجنوں ہوٹلز کے گلیشیئر کی زد میں آکر تباہ ہونے کی اطلاعات ملی ہیں،تحصیل انتظامیہ اور محکمہ مال کے ساتھ ملکر ابتدائی معلومات لے رہے ہیں، بالا کوٹ،نومبر، دسمبر میں یہ علاقہ برف باری سے مکمل بند رہتا ہے، راستے نومبر، دسمبر سے برفباری کی وجہ سے بند ہیں۔
انہوں نے مزید کہا اس علاقے میں گلیشیئر آنا ایک نارمل بات ہے ،دو دن پہلے یہ گلیشیئر گرا ہے اور سوشل میڈیا سے خبر اب پہنچی ہے،اطلاعات کے مطابق 8 ہوٹل گلیشیئر کی زد میں آئے ہیں، بالا کوٹ،تحصیل انتظامیہ اور محکمہ مال واقعہ سے متعلق تفصیلات حاصل کر رہے ہیں۔
