کولمبو (اے ون نیوز) ایشیا کپ میں پاکستان اور سری لنکا کا میچ سیمی فائنل کی حیثیت اختیار کرگیا.
ایشیا کپ سپر 4 کے میچ میں سری لنکا کے خلاف بھارت کی فتح نے ایونٹ میں پاکستان اور سری لنکا کے درمیان جمعرات کو شیڈولڈ میچ کو سیمی فائنل کی حیثیت دلا دی ہے۔
پاکستان کو اب رن ریٹ کی فکرکیے بغیر بس سری لنکا سے میچ جیتنا ہے۔ ایشیا کپ سپر فور مرحلے میں اس وقت بھارت دونوں میچز جیت کر 4 پوائنٹس حاصل کرچکا ہے، پاکستان اور سری لنکا کو دو دو میچز میں سے ایک میں شکست ہوئی اور دونوں ہی کے دو دو پوائنٹس ہیں۔
اتوار کو پاکستان اور سری لنکا کی ٹیمیں سپر فور مرحلے کے میچ میں مدمقابل آئیں گی اور اس میچ کی فاتح ٹیم ایشیا کپ کے فائنل کے لیےکوالیفائی کرجائےگی۔
بارش کے باعث میچ نہ ہونے کے صورت میں دونوں ٹیموں کو ایک ایک پوائنٹ مل جائے گا اور اس صورت میں سری لنکا بہتر رن ریٹ کی بنیاد پر فائنل کے لیے کوالیفائی کر جائے گا۔
