اہم خبریںتازہ تریندنیا

ایک ہی دن میں تیسرا فضائی حادثہ، نیدرلینڈز کا طیارہ اوسلو ایئرپورٹ پر رن وے سے اتر گیا

طیارے میں 176 مسافر اور عملے کے 6 افراد سوار تھے جو حادثے کے دوران محفوظ رہے

اوسلو(اے ون نیوز)نیدرلینڈز کا مسافر طیارہ ناروے میں اوسلو ایئرپورٹ پر ہنگامی لینڈنگ کے دوران رن وے سے اتر گیا۔

ڈچ میڈیا کے مطابق یہ واقعہ ہفتے کی رات اس وقت پیش آیا جب ایمسٹرڈیم جانے والے مسافر طیارہ نے اوسلو ایئرپورٹ سے اڑان بھری اور اڑان بھرنے کے فوراً بعد ہائیڈرولک سسٹم فیل ہوا جس کے باعث طیارے نے ہنگامی طور پر لینڈنگ کی لیکن ہنگامی لینڈنگ کے دوران طیارہ رن وے سے اتر گیا۔

غیر ملکی میڈیا کے مطابق طیارے میں 176 مسافر اور عملے کے 6 افراد سوار تھے جو حادثے کے دوران محفوظ رہے۔

ائیر کینیڈا کے مسافر طیارے میں لینڈنگ کے وقت آگ بھڑک اٹھی…ویڈیو

اس سے قبل کینیڈا کے شہر نووا اسکوٹیا کے انٹرنیشنل ایئرپورٹ پر طیارہ پھسل کر رن وے سے اترگیا اور اس میں آگ لگ گئی تھی۔

ایک دوسرے حادثے میں آج جنوبی کوریا کے موان ایئرپورٹ پر لینڈنگ کے دوران مسافر طیارے کو حادثہ پیش آیا جس کے نتیجے میں 179 افراد ہلاک اور متعدد زخمی ہوگئے تھے۔

اس سے قبل 25 دسمبر کو قازقستان کے شہر اکتاؤ میں آذربائیجان کا مسافر طیارہ گر کر تباہ ہوگیا تھا جس میں 39 افراد ہلاک اور 33 زخمی ہوگئے تھے۔

ایک اور بدقسمت طیارہ لینڈنگ کے دوران تباہ،سیکڑوں مسافر زندہ جل گئے

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button