بلاول بھٹو اور آصف زرداری میں اختلافات کی خبریں دم توڑ گئیں

سابق صدر آصف زرداری کی صاحبزادی بختاور بھٹو زرداری نے والد اور بھائی بلاول کی ایک ساتھ تصویر شیئر کردی۔

سماجی رابطوں کی سائٹ ایکس  (سابقہ ٹوئٹر)پر تصویر پوسٹ کرتے ہوئے بختاور نے لکھاکہ شہ سرخیوں پر یقین نہ کریں، ہمیشہ فیملی پہلے رہی ہے۔تصویر میں بلاول بھٹو، آصف زرداری، فریال تالپور اور بختاور بھٹو زرداری بھی موجود ہیں۔

یاد رہے کہ گزشتہ دنوں ایک ٹی وی پروگرام میں گفتگو کرتے ہوئے آصف زرداری نے کہا تھا کہ جو پیپلزپارٹی الیکشن لڑے گی اس کا ٹکٹ جاری کرنے کا اختیار بلاول نہیں ان کے پاس ہے، بلاول کو جو ٹکٹ جاری ہوگا اس پر بھی دستخط آصف زرداری کے ہوں گے۔ اس کے بلاول بھٹو دبئی روانہ ہوئے تو افواہوں نے بھی سراٹھایا کہ بلاول بھٹو شاید آصف زرداری کے انٹرویو سے ناراض ہوکر دبئی گئے ہیں۔