لاہور(اے ون نیوز)پاکستان مسلم لیگ ن کے رہنما کیپٹن ریٹائر صفدر نے کہا ہے کہ پاک فوج ہماری فوج ہے ہم پاک فوج کے ساتھ ہیں ،نواز شریف ڈرنے والے دن پیدا نہیں ہوئے۔
کیپٹن ریٹائر صفدر نے میڈیا سے گفتگو کرتے ہوئے مزید کہا میاں نواز شریف پنجاب میں پیدا ہوئے لیکن طبیعت اس کی پٹھانوں والی ہے،
نواز شریف کے لیے ننگے پاو¿ں آو، جب نواز شریف نے پیٹرول 60 روپے رکھا تھا تب آپ نے ساتھ کیوں نہیں دیا، نواز شریف پاکستان کی بات کرتا تھا اس لیے میاں صاحب کو جلاوطن کیا گیا۔
انہوں نے کہا ہم نے ڈاکٹر عبد القدیر خان جیسے ہیروز کو بھلا دیا ہے، نواز شریف صاحب آپ ایک لیڈر ہے آپ کے ہاتھوں لوگ وزیراعظم بنے، لوگ کہتے ہیں نیلسن منڈیلا نے بڑی جیل کاٹی ولی خان نے سب سے زیادہ جیل کاٹی ہے، نواز شریف صاحب ہم آپ کو شوکت عزیز جیسا وزیر اعظم نہیں دیکھنا چاہتے، ہم وہ نواز شریف چاہتے ہیں جب وہ ائیرپورٹ پر اترے تو لرزہ طاری ہو،ہم وہ نواز شریف چاہتے ہیں جو اٹک جیل سے پاکستان زندہ باد کہے۔
