اسلام آباد(اے ون نیوز)پاکستان نے 6 ماہ میں ایک لاکھ 39 ہزار میٹرک ٹن سے زائد چائے منگوا لی ۔
اے ون ٹی وی کو دستیاب دستاویزات کے مطابق پہلی ششماہی میں چائے درآمدات کا حجم 96 ارب 49 کروڑ روپے سے زائد رہا،گزشتہ مالی سال کے مقابلے میں چائے کی درآمدات میں 36 فیصد اضافہ ریکارڈکیا گیا۔
سرکاری دستاویز ات کے مطابق گزشتہ مالی سال کی پہلی ششماہی میں 71 ارب روپے سے زائد کی چائے امپورٹ کی گئی،پہلی ششماہی کے آخری ماہ میں چائے درآمدات 16 ارب 67 کروڑ روپے رہیں،چائے کی درآمدات میں ماہانہ تقریبا 5 فیصد کا اضافہ ریکارڈ کیا گیا،دسمبر میں پاکستان نے 23 ہزار میٹرک ٹن سے زائد کی چائے امپورٹ کی۔
