کوالالمپور(اے ون نیوز) ملائیشیا میں مسافر طیارہ موٹروے پر گر کر تباہ ہو گیا جس کے نتیجے میں 10 افراد ہلاک ہو گئے۔
غیر ملکی خبر رساں ایجنسی کے مطابق ملائیشیا میں حادثے کا شکار ہونے والا کرافٹ ماڈل 390 طیارہ لنگ کاوی سے سیلنگور جا رہا تھا کہ ہنگامی لینڈنگ کے دوران موٹروے پر گر کر تباہ ہو گیا۔
ایک انجن والے چھوٹے طیارے نے سلطان عبدالعزیز شاہ ایئرپورٹ پر ہنگامی لینڈنگ کی کوشش کی تھی، طیارے میں 8 افراد سوار تھے جبکہ حادثے میں ایک کار سوار اور موٹر سائیکل سوار بھی ہلاک ہوئے۔گرنے سے چند لمحے قبل ہی طیارے کا ایئر ٹریفک کنٹرول ٹاور سے رابطہ منقطع ہو گیا تھا۔
Wehh scary giler POV dari dashcam kereta penduduk Elmina seconds before disaster 😳 pic.twitter.com/hv8utSbSz0
— Pfaisal BioNTech (@faisalmaps) August 17, 2023
ملائیشیا کی سول ایوی ایشن اتھارٹی کا کہنا ہے کہ پائلٹ نے کوئی ہنگامی کال نہیں کی تھی اور نہ ہی طیارے کو لینڈنگ کے لیے کلیئرنس دی گئی تھی۔ طیارے میں 6 مسافر اور عملے کے 2 ارکان موجود تھے۔ واقعے کی تحقیقات کے لیے انکوائری کمیٹی تشکیل دے دی گئی۔
